හිටපු ආරක්ෂක ලේකම් ගෝඨාභය රාජපක්ෂ මහතාට එරෙහිව ඇමෙරිකාවේ තවත් නඩුවක් ගොනු කරයි

හිටපු ආරක්ෂක ලේකම් ගෝඨාභය රාජපක්ෂ මහතාට එරෙහිව තම සංවිධානයද ඇමෙරිකාවේ කැලිෆෝනියා නුවර දිස්ත්‍රික් අධිකරණයේ සිවිල් නඩුවක් ගොනු කළ බව ජත්‍යන්තර සත්‍ය හා යුක්තිය පිළිබඳ ව්‍යාපෘතිය සඳහන් කරයි.

දමිල ක්‍රියාකාරිකයෙකු වෙන රෝයි සමධානම් පුද්ගලයෙක් ගොනු කළ පැමිණිල්ලක් අනුව මෙම නඩුව ගොනු කළ බව එම ව්‍යාපෘතිය සඳහන් කරයි.

එසේම මේ සම්බන්ධයෙන් වන නොතීසිය හිටපු ආරක්ෂක ලේකම්වරයාට පසුගිය ඉරිදා රාත්‍රියේ බාර දි ඇති බවත් එම සංවිධානය සඳහන් කරයි.

හිටපු ආරක්ෂක ලේකම්වරයා ඇමෙරිකාවේ කැලිෆෝනියා නුවරට නිවාඩුවක් ගත කිරීමට පැමිණි බව තම පෞද්ගලික කුලී විමර්ශකයන් දැන ගැනිමෙන් පසුව මෙම නඩුව ගොනු කළ බවත් ඔවුන් සඳහන් කරයි.

මෙම රෝයි සමධානම් නම් ශ්‍රී ලාංකිකයා දැනට කැනඩා ජාතිකයෙක් ලෙස කටයුතු කර කරන අතර 2007 වසරේදී ඔහු ත්‍රස්ත විමර්ශන ඒකකය විසින් රඳවා තබාගෙන තිබේ. පසුව ඔහු 2010 වසරේ අගෝස්තු මාසයේදී නිදහස් කර තිබේ.

තවද මාධ්‍යවේදී ලසන්ත වික්‍රමතුංග මහතාගේ ඝාතනය සම්බන්ධයෙන්  හිටපු ආරක්ෂක ලේකම් ගෝඨාභය රාජපක්ෂ මහතාට එරෙහිව  ඇමෙරිකානු අධිකරණයක  නඩුවක් ගොනු කර ඇතැයි ආරංචි මාර්ග පවසයි.

කැලිෆෝනියා දිස්ත්‍රික් අධිකරණයේ  සිවිල් නඩුවක් ලෙසින් මෙම නඩුව ගොනු කර ඇතැයි  වාර්තා වේ.

ලසන්ත වික්‍රමතුංග මහතාගේ දියණිය වන අහිංසා වික්‍රමතුංග මෙනවිය විසින් මෙම නඩුව ගොනු කර ඇත.

වික්‍රමතුංග මහතාගේ  ඝාතනය සිද්ධියට  ගෝඨාභය  රාජපක්ෂ මහතා වගකිව යුතු බවත්  මේ  සම්බන්ධයෙන් වන්දි මුදලක් ගෙවන  ලෙසත්  ඇය නඩුව ගොනු කරමින් ඉල්ලා ඇතැයි සඳහන්ය.

ගෝඨාභය රාජපක්ෂ මහතා  ඇමෙරිකාවේ  සිය පුරවැසිභාවය ඉවත් කර ගැනීම සඳහා මේ වන විට සුදානම් වන අතර ඔහු මේ දිනවල ඇමෙරිකාවේ සිටින බවද ආරංචි මාර්ග පවසයි.

0Shares

Leave a Reply

Your email address will not be published. Required fields are marked *