කුසල්ට වැරැද්ද පැටවූ රසායනාගාරයට වැට

ශ්‍රී ලංකා ක්‍රිකට් කණ්ඩායමේ ආරම්භක පිතිකරු කුසල් ජනිත් පෙරේරා තහනම් උත්තේජක ගත් බවට වූ ව්‍යාජ චෝදනා තහවුරු කරමින් වාර්තා ලබාදුන් දෝහා කටාර්හි රසායනාගාරය තහනම් කිරීමට ලෝක තහනම් උත්තේජක නිවාරණ ඒජන්සිය (වාඩා) තීරණය කර ඇත.

එම රාසායනාගාරයේ කටයුතු මාස හතරකට තහනම් කර ඇති අතර මේ පිළිබඳ ලොව පුරා ක්‍රීඩා සංගම්, ඔලිම්පික් කමිටු ආදිය දැනුවත් කිරීමටද කටයුතු කර ඇති බව කියති.

දැනට එම රසායනාගාරයට යොමු කර ඇති ක්‍රීඩකයන්ගේ ලේ හා මූත්‍රා සාම්පල වහාම ක්‍රියාත්මක වන පරිදි ලෝක තහනම් උත්තේජක නිවාරණ ඒජන්සිය අනුමත කළ රසායනාගාරයකට සුරක්ෂිතව බාර දෙන ලෙසද නියෝග කැර ඇත.

පාකිස්තාන තරගාවලියකින් පසු කුසල් ජනිත් පෙරේරාගේ මූත්‍රා සාම්පල පරීක්ෂා කර තහනම් උත්තේජක ගත් බවට එම රසායනාගාරය නිර්දේශ කිරීම හේතුවෙන් ඔහුට ජාත්‍යන්තර තරග තහනමක් පැනවුණු අතර ඒ හේතුවෙන් විස්සයි විස්ස ලෝක කුසලානයද ඔහුට අහිමි විය.

ජගත් ක්‍රිකට් කවුන්සිලය ඒ වෙනුවෙන් ශ්‍රී ලංකා ක්‍රිකට් ආයතනයට වන්දියක් ලබාදීමටද පසුගියදා තීන්දු කළේය.

0Shares

Leave a Reply

Your email address will not be published. Required fields are marked *